Azərbaycan, Bakı, 1 aprel /Trend, müxbir İ.İzzət/
Sumqayıt şəhərində "VAZ-2107" və "Chevrolet" markalı avtomaşınlar toqquşub.
Daxili İşlər Nazirliyinin mətbuat xidmətindən Trend-ə verilən məlumata görə, martın 31-də saat 22.00 radələrində Sumqayıt şəhəri Sülh küçəsində Elçin İmanovun idarə etdiyi "VAZ-2107" markalı və Əkbər Mahmudovun idarə etdiyi "Chevrolet" markalı avtomaşınlar toqquşub.
Nəticədə İmanov hadisə yerində ölüb, Mahmudovun xəsarət almış sərnişinləri - Bakı şəhər sakinləri Şərqiyə Məhərrəmova və onun bacısı Solmaz isə xəstəxanaya yerləşdiriliblər.
Fakta bağlı Sumqayıt Şəhər Polis İdarəsi tərəfindən araşdırma aparılır.