Azərbaycan, Bakı, 30 aprel/Trend, müxbir A. Tağıyeva/
Türkiyənin Suriya ilə sərhəddə yerləşən Hatay vilayətində bu ölkədə kimyəvi silahın tətbiq olunması ilə bağlı ehtimallar səbəbindən təhlükəsizlik tədbirləri gücləndirilib. Bu barədə Trend çərşənbə axşamı "Milliyyət" qəzetinə istinadən məlumat verir.
Belə ki, müalicə məqsədilə Hatay vilayətinə gətirilən yaralı suriyalılar yoluxmamaq üçün xüsusi geyimli heyət tərəfindən tibbi müayinədən keçirlər. Yaralı suriyalılar üçün xəstəxanada xüsusi şöbə ayrılıb, onlar şöbədə karantin nəzarətində saxlanılırlar.