Azərbaycan, Bakı, 6 sentyabr /Trend, müxbir İ.İzzət/
Xətai rayonunda baş vermiş yol-nəqliyyat hadisəsi ölümlə nəticələnib.
Trend Daxili İşlər Nazirliyinin (DİN) rəsmi saytına istinadən xəbər verir ki, sentyabrın 6-da saat 00:45 radələrində Xətai rayonu, Gəncə prospektində Bakı şəhər sakini Vüqar Şərifzadənin idarə etdiyi "Audi" markalı və sürücüsünün şəxsiyyəti hələlik müəyyən edilməmiş "VAZ-2106" markalı avtomaşınlar toqquşub.
Nəticədə "VAZ-2106" markalı avtomaşının sürücüsü hadisə yerində ölüb. Xəsarət almış Vüqar Şərifzadə isə xəstəxanaya yerləşdirilib.
Faktla bağlı Xətai Rayon Polis İdarəsi tərəfindən araşdırma aparılır.