Azərbaycan, Bakı, 4 aprel /Trend, müxbir İ.İzzət/
Sabunçu rayonunda naməlum avtomobil piyadanı vuraraq öldürüb.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, aprelin 3-də saat 23 radələrində Sabunçu rayonu Şəhər şosesində müəyyən edilməmiş avtomobillə yolu keçən Bakı şəhər sakini Səadət Məhsimova vurulub.
Piyada xəstəxanaya yerləşdirlsə də, həkimlər onun həyatını xilas edə bilməyiblər və S.Məhsimova orada ölüb.
Faktla əlaqədar Sabunçu Rayon Polis İdarəsi tərəfindən əməliyyat-axtarış tədbirləri aparılır.