Bakıda axtarışda olan 4 nəfər tutulub
Azərbaycan, Bakı, 1 may /Trend, müxbir İ.İzzət/
Bakıda axtarışda olan 4 nəfər tutulub.
Bakı Şəhər Baş Polis İdarəsinin mətbuat xidmətindən Trend-ə verilən məlumata görə, Bakıda dələduzluğa görə axtarışda olan 3 nəfər tutulub.
Belə ki, Suraxanı Rayon Polis İdarəsi (RPİ) 32-ci polis bölməsi (PB) əməkdaşlarının keçirdikləri əməliyyat-axtarış tədbirləri nəticəsində Cinayət Məcəlləsinin (CM) 178-ci (dələduzluq) maddəsi ilə axtarışda olan Mədinə Rəhimova tutulub.
Nərimanov RPİ Cinayət-Axtarış Şöbəsi və 18-ci PB əməkdaşlarının da keçirdikləri əməliyyat-axtarış tədbirləri nəticəsində CM-nin 178-ci (dələduzluq) maddəsi ilə axtarışda olan Musa Məmmədov tutulub. Dələduzluğa görə axtarışda olan digər şəxs Asəf Seyidov isə Binəqədi RPİ 7-ci PB əməkdaşlarının keçirdikləri əməliyyat-axtarış tədbirləri nəticəsində tutulub.
Nərimanov RPİ 17-ci PB əməkdaşlarının keçirdikləri əməliyyat-axtarış tədbirləri nəticəsində isə CM-nin 177-ci (oğurluq) maddəsi ilə axtarışda olan Kəmalə Qarayeva tutulub.
