...

Həbsdə olan jurnalist kassasiya şikayəti verib

Hadisə Materials 24 May 2022 12:56
Həbsdə olan jurnalist kassasiya şikayəti verib

Trend-i buradan izləyin

Samir Əli
Samir Əli
Bütün xəbərlər

Bakı. Trend:

Hədə-qorxu ilə tələb etməkdə təqsirləndirilərək həbs edilən jurnalist, “Azadinfo.az” MMC-nin təsisçisi Mahir Ələkbərov (Xəttab) Bakı Apellyasiya Məhkəməsindən kassasiya şikayəti verib.

Trend-in məlumatına görə, jurnalist şikayətində Ali Məhkəmədən bəraət istəyib.

Şikayət Ali Məhkəmədə hakim İlqar Qılıcovun icraatına verilib.

Qeyd edək ki, rəsmi məlumata görə, Baş prokuror yanında Korrupsiyaya qarşı Mübarizə Baş İdarəsində aparılan əməliyyat-istintaq tədbirləri ilə M.Ələkbərovun həmin dövrdə Yeni Azərbaycan Partiyasının Binəqədi rayon təşkilatının sədri vəzifəsini icra edən Ramiz Göyüşov barəsində qeyri-etik videogörüntüləri "Azadinfo.az" xəbər paylaşım platformasında və digər xəbər saytlarında qəsdən yaydıqdan sonra həmin məlumatların yayılmasının qarşısının alınması üçün sonuncunun özü ilə görüşməsinə nail olaraq, bu görüntülərin qeyd edilən səhifədən silinməsi məqsədilə ondan ümumilikdə 2 min manat məbləğində pul vəsaitini hədə-qorxu ilə tələb edib almasına əsaslı şübhələr müəyyən edilib.

İş üzrə toplanan materiallar əsasında Mahir Ələkbərova Cinayət Məcəlləsinin 182.1-ci (hədə-qorxu ilə tələb etmə) maddəsi ilə ittiham elan edilib.

Nəsimi Rayon Məhkəməsinin hökmü ilə Mahir Ələkbərov 3 il 6 ay müddətə azadlıqdan məhrum edilib.

Jurnalist hökmdən Bakı Apellyasiya Məhkəməsinə şikayət versə də, adıçəkilən məhkəmə hökmü qüvvədə saxlayıb.

Məqalədə:
Xəbər lenti

Xəbər lenti