Bakı.Trend:
Sumqayıt şəhərində dələduzluq faktları qeydə alınıb. Zərərçəkənlərdən birinin “mebel alqı-satqısı” adı altında, digərinin isə “işə düzəltmək” vədi ilə aldadılaraq ümumilikdə 12000 pul vəsaitinin ələ keçirilməsi ilə bağlı polisə müraciətlər daxil olub.
Trend xəbər verir ki, bu barədə DİN məlumat yayıb.
Bildirilib ki, polis əməkdaşları tərəfindən keçirilən
tədbirlərlə əməlləri törətməkdə şübhəli bilinən, əvvəllər də
dələduzluğa görə məhkum olunmuş 40 yaşlı T.Allahyarov və 49 yaşlı
A.Allahyarov müəyyən olunaraq saxlanılıblar.
Şəhər ərazisində keçirilən digər tədbir nəticəsində isə vətəndaşın
bank kartında olan pul vəsaitini ələ keçirməkdə şübhəli bilinən 41
yaşlı M.Əliyev də saxlanılıb.
Faktlar üzrə araşdırmalar aparılır.