Azərbaycan, Quba / Trend müxbir A.Qafarov / Dünən axşam saatlarında Qəndab - Yalama yolunun 14-cü kilometrliyində, Vəlvələçayın Xaçmaz rayonu ərazisindən keçən hissəsində körpü çöküb. Nəticədə körpünün dirəkləri qəza vəziyyətinə düşüb.
Dünən axşamdan etibarən körpünün üzərindən avtomobillərin hərəkəti dayandırılıb.
Nəqliyyət və Fövqalada hallar nazirliklərinin işçi qrupları hadisə yerinə gəlib və avtomobillərin hərəkətini qismən bərpa etmək üçün tədbirlər həyata keçirilib. Müvəqqəti olaraq yaxınlıqdakı yardımçı körpüdən isifadə edilib. Həmin körpüdən yüngül çəkili avtomaşınlar hərəkət edir. Yük maşınları isə Quba-Dəvəçi marşrutu ilə hərəkətə başlayıblar.
Xaçmaz rayon 5 saylı yol-istismar idarəsinin rəisi İsgəndər Hacıyevin verdiyi məlumata görə, körpünün çökməsinə səbəb dağ çaylarında suyun səviyyəsinin artması və çaylardakı Daş karxanalarının qanunsuz fəaliyyəti ilə əlagədar çayın yatağının genişlənməsi olub.