Azərbaycan, Bakı, 6 yanvar /Trend, müxbir İlkin İzzət/
Azərbaycan Silahlı Qüvvələrinin bölmələri cəbhədə Ermənistan ordusunun 2 hərbçisini məhv edib.
Trend Ermənistan KİV-lərinə istinadən xəbər verir ki, yanvarın 5-dən 6-na keçən gecə Azərbaycan və Ermənistan qoşunlarının təmas xəttində atışma zamanı 2 erməni hərbçi öldürülüb. Onların hər ikisi muzdlu əsgər olub.
Ermənilər iddia edirlər ki, atışma zamanı Azərbaycan tərəfi daha çox itki verib. Lakin artıq Azərbaycanın Müdafiə Nazirliyi bəyan edib ki, Ermənistan mətbuatının cəbhədə atəşkəs rejiminin pozulması zamanı Azərbaycan Silahlı Qüvvələrinin guya üç hərbi qulluqçusunun, o cümlədən Eldar Məmmədov adlı "unter zabit"in məhv edilməsi barədə məlumatları dezinformasiya xarakteri daşıyır.