Azərbaycan, Bakı, 25 fevral / Trend , müxbir R.Hafizoğlu/ Türk ordusunun İraqın Şimalındakı PKK terror təşkilatına qarşı keçirdiyi hərbi əməliyyatlarla, terror təşkilatı, ekspertin fikrincə, keçirilən hərbi əməliyyatla PKK terroçularının təm məhvi mümkün olmasa da, onların zəifləməsinə səbəb olacaq. "Türk ordusunun İraqın şimalında keçirdiyi hərbi əməliyyatlar terror təşkilatının tam məhvi üçün kifayət deyil"-deyə, türkiyəlı politoloq Arif Keskin İstanbuldan telefonla Trend ə bildirirb.
Fevralın 23-dən Türk ordusu 10 minlik qoşunla İraqın şimalındakı PKK terrorçularına qarşı genişmiqyaslı hərbi əməliyyatlara başlayıb.
"Türk höküməti İraqın şimalındakı PKK terrorçularının ölkə ərazisinə keçməməsi üçün bütün lazımi tədbirləri görür"-deyə, bazar ertəsi Avrasiya Strateji Araşdırmalar Mərkəzinin direktoru Kəskin bildirib. Onun fikrincə, digər terror təşkilatlarından fərqli olaraq, PKK liderlərinin ələ keçirilməsi təşkilatın zəifləməsinə səbəb olacaq. "Mən əminəm ki, keçirilən hərbi əməliyyatlar daha çox, terrorçuların liderlərinin məhvinə və ələ keçirilməsinə yönəlib.Bu, terrorçuların maliyyə qaynaqlarının azalmasına səbəb olacaq" - deyə,o bildirib.
Kəskin hesab edir ki, İraqın şimalında Türkiyənin həyata keçirldiyi hərbi əməliyyatlar region dövlətlərinə güc və hərbi potensialının numayişi cəhdidir. İraq höküməti PKK- ya qarşı hərbi müdaxilə istəyində deyil - deyə, Kəskin vurğulayıb. Onun fikrincə, İraq hökümətinin PKK-nı rəsmən terror təşkilatı kimi tanımasına rəğmən, hərbi əməliyyatlarda iştirak etməməsi kürdlərin ölkədəki nüfuzundan irəli gəlir.
Türkiyəli araşdırmaçı, politoloq Şanlı Bahadır Koç də hesab edir ki, keçirilən əməliyyatlarla PKK terrorçularının kökünü kəsmək mümkün deyil. "Aparılan əməliyyatlarda terror şəbəkəsinin kökünü kəsmək olmasa da, hərbi əməliyyatlar PKK liderlərinin sərbəst fəaliyyətinə və bir yerdə toplanmasına əngəl olacaq"-deyə, Koç bazar ertəsi İstanbuldan Trend ə elektron poçt vasitəsilə bildirib.
Türkiyə höküməti hərbi əməliyyata başlamazdan əvvəl, ölkə daxilində PKK meylli qüvvələrin hər hansı bir aksiya keçirməsinə qarşı tam hazırlıq görüb - deyə politoloq bildirib. Onun fikrincə, ordunun keçirdiyi irimiqyaslı hərbi əməliyyatlar PKK- ya rəğbət bəsləyənlərin onlara dəstək verməsini əngəlləyəcək və türk xalqına ruh yüksəkliyi gətirəcək.
Koç hesab edir ki, ordu İraqın şimalında keçirdiyi hərbi əməliyyatlarla, İraq kürdlərinə ABŞ-ın müdəfiəsinin daimi olmadığını sübut etdi.
İraqdakı Fərat Strateji Araşdırmalar Mərkəzinin eksperti Əhməd Təqiy də bu fikirlə razıdır ki, türk ordusunun keçirdiyi hərbi əməliyyatlar PKK terrorçularının tam məhvi üçün kifayət deyil. "Hərbi əməliyyatlar İraqın bir dövlət kimi müstəqilliyinə təhlükə olsa da, terrorçulara qarşı aparılan hərbi əməliyyatlarla terrorun kökünü kəsmək mümkün olmayacaq" - deyə, bazar ertəsi Təqiy Kərbəladan Trend -ə telefonla bildirib.
Təqiy hesab edir ki, Türkiyə hökuməti hərbi əməliyyatlarla yanaşı, təbliğat xarakterli iş aparmalıdır. "PPK- çıların böyük bir qismi imkansız və kasıb ailələrdəndir və onları kiçik məbləğlə asanlıqla ələ almaq olar" - deyə Təqiy bildirib.
Onun fikrincə, hazır ki İraq hökuməti PKK-ya qarşı hər hansı bir hərbi əməliyyat hazırlamaq iqtidarında deyil. "İraq hökumətinin PKK- ya qarşı cəbhə açması böhran içində olan ölkənin məhvinə və Şimali İraqın ayrılaraq, müstəqil olması ilə nəticələnə bilər" - deyə, o vurğulayıb.
Yanvar ayında Türkiyənin Baş naziri Rəcəb Tayyib Ərdoğan ölkəsinin İraqın şimalını işğal etmək yox, PKK terrorçularına qarşı, qələbə əldə edənədək, mübərizə aparmaq niyyətində olduğunu bildirib. İraq hökumətinin verdiyi rəsmi açıqlamada, Türk ordusunun İraqın şimalında apardığı hərbi əməliyyatların İraqın müstəqilliyinə təhlükə olduğu və ordunun İraq ərazisindən tez bir zamanda çıxarılması tələb olunub.
PKK terrorçuları 1984-cü ildən etibarən Türkiyənin cənub-qərbində müstəqil kürd dövlətirin qurulması üçün silahlı mübərizə aparırlar. KİV-in verdiyi məlumata görə, toqquşma nəticəsində bu günədək ölənlərin sayı 37 min nəfərdən çoxdur.
Məqalə müəllifi ilə rufiz ünvanı ilə əlaqə saxlamaq olar.
