Azərbaycan, Bakı,16 aprel / Trend , müxbir S.Ağayeva/ Azərbaycan və Estoniya əməkdaşlığın möhkəmlənməsinə dair məsələləri nəzərdən keçirəcək. Məslətləşmələr aprel ayının 24-25-də Estoniyada Azərbaycanın xarici işlər naziri Elmar Məmmədyarovun rəsmi səfəri çərçivəsində keçəcək. Bu barədə Trend a Azərbaycanın Latviya və Estoniyadakı səfiri Tofiq Zülfüqarov çərşənbə günü məlumat verib.
Səfər zamanı Estoniyanın xarici işlər naziri, baş naziri, parlament rəhbəri və prezidenti ilə ikitərəfli əməkdaşlığa dair məsələləri müzakirə etmək planlaşdırılır. Həm ikitərəfli səviyyədə, həm də beynəlxalq arenada qarşılıqlı maraq kəsb edən məsələlər nəzərdən keçiriləcək. Görüşün gündəliyinə Azərbaycanın Avropa strukturlarına inteqrasiyasında Estoniyanın köməyi, GUAM çərçivəsində əməkdaşlıq və b. məsələlər daxil edilib, deyə səfir məlumat verib.
Estoniyaya səfərindən əvvəl Məmmədyarov gələcək əməkdaşlığın perspektivlərini müzakirə etmək üçün Latviyaya rəsmi səfər edəcək.
