Azərbaycan, Gəncə, 21 aprel / Trend , müxbir V.Məmmədov/ Gəncə şəhərində işlərində yol verdikləri nöqsanlara görə 5 yol polisi əməkdaşına inzibati cəza verilib, 2 nəfər isə vəzifəsindən azad edilib. Bu barədə bazar ertəsi jurnalistlərə Gəncə şəhər Polis İdarəsinin rəisi Rasim Musayev məlumat verib.
Bu il Gəncədə 43 yol nəqiliyyat hadisəsəi baş verib. Nəticədə 3 nəfər dünyasını dəyişib, 46 nəfər isə yaralanıb. Ötən ilin eyni dövründə 34 yol nəqiliyyat hadisəsi baş verib ki, nəticədə 6 nəfər dünyasını dəyişib, 39 nəfər müxtəlif bədən xəsarətləri alıb.
Musayevin sözlərinə görə, Gəncə şəhər Yol Polisi İdarəsinin işində bir sıra nöqsanlar mövcuddur. Bu ilin birinci rübundə Gəncədə yol nəqliyyat hadisələrinin sayının artmasını bildirən Musayev qəza hadisələrinin artmasını sürücülərin avtomobili yüksək sürət və sərxoş halda idarə etmələri ilə əlaqələndirib. Belə hallara nəzarət etmək üçün artıq şəhərin bir sıra yerlərində radarlar qurulub.
Gəncə paytaxt Bakıdan 365 kilometr qərbdə yerləşir.
Məqalə müəllifi ilə əlaqə ünvanı: [email protected]