Azərbaycan, Bakı, 27 iyun/ Trend , müxbir E.Babayev /Azərbaycanın müxalif Müsavat Partiyası mitinq taktikasını davam etdirəcək. "Aksiyaların keçirilməsi üçün cəhdlərimiz davam edəcək", Trend -un məlumatına görə, cümə günü jurnalistlərə partiyanın başqanı İsa Qəmbər deyib.
Trend -un arayışı: Müsavat mayın 4-nə və 18-nə planlaşdırdığı iki mitinqi təxirə salıb. Buna Bakı meriyasının aksiyaçıları Bibiheybət qəsəbəsindəki stadiona göndərmək istəməsi olub. Partiya mitinqə Ukrayna meydanı, keçmiş "Qələbə" kinoteatrının qarşısı, "Nərimanov" metrostansiyasının ətrafı, Füzuli meydanı və ya Təbriz" (keçmiş "Sevinc") kinoteatrının qarşısındakı ərazilərdən birinin ayrılmasını istəyirdi.
İyunun 17-də isə Müsavat Bakı Şəhər İcra Hakimiyyəti qarşısında piket keçirməyə cəhd edib.
Qəmbər bildirib ki, Müsavat yenidən mitinqlər keçirməyə cəhdlər göstərəcək. "Eyni zamanda, məhkəmə yolu ilə işimizi davam etdirəcəyik", - deyən Qəmbərin sözlərinə görə, müxalifətin birgə aksiyasının təşkili isə hazırda gündəmdə deyil.
Müxalifəti təmsil edən Müsavat Partiyası 1992-ci ildə yaradılıb. Partiyanın başqanı Qəmbər Azərbaycan parlamentinin eks-spikeri (1992-93-cü illərdə) və 2003-cü ildə keçirilmiş prezident seçkisində prezidentliyə namizəd olub. Partiya beş nəfər deputatla parlamentdə təmsil olunur.
Məqalə müəllifi ilə əlaqə ünvanı: [email protected]
