Azərbaycan, Bakı, 11 avqust / Trend , müxbir S.Kazımlı/ Azərbaycanın paytaxtında qətl hadisəsi törətməkdə təqsirləndirilərək barəsində axtarış elan olunan Cəlilabad sakini tutulub. Suraxanı Rayon Polis İdarəsinin (RPİ) 31-ci polis bölməsindən bazar ertəsi Trend -a verilən məlumata görə, avqustun 10 -da bölmə əməkdaşlarının keçirdikləri əməliyyat-axtarış tədbirləri nəticəsində, Azərbaycanın Cinayət Məcəlləsinin qəsdən adam öldürmə, yəni digər şəxsi qəsdən həyatdan məhrum etmə (120.1-ci) maddəsi ilə barəsində axtarış elan olunan Cəlilabad rayonunun Maşlıq kənd sakini, 20 yaşlı Bayram Hüseyn oğlu Əsgərov tutulub. Polis bölməsindən bildiriblər ki, Əsgərov 2007-ci il aprelin 14 -də Yeni Suraxanı qəsəbəsində kirayə mənzildə yaşayan Sərdar İsgəndər oğlu Cəfərovu qətlə yetirib.
Müəlliflə əlaqə saxlamaq üçün elektron ünvan - [email protected]