Azərbaycan, Bakı, 27 oktyabr/ Trend , müxbir Ü.İsmayılova/ Azərbaycanın sığorta, təkrarsığorta və banklarının mənfəətlərinin Nizamnamə kapitalının artırılmasına yönələn hissəsinin vergidən azad edilməsinin hökumətin anti-böhran tədbiri qismində qəbul etmək olar, Azərbaycanın Maliyyə Nazirliyinin Dövlət Sığorta Nəzarəti şöbəsinin rəhbəri Namiq Xəlilov hesab edir.
"Bu tədbir maliyyə bazarının iştirakçılarına kapitallaşdırmanın artırılması yolu ilə dünya maliyyə böhranının onların fəaliyyətlərinə birbaşa və ya dolayı təsir riskini azaltmağa imkan verəcək", - Xəlilov bazar ertəsi bildirib.
Xəlilovun sözlərinə görə, ölkənin sığorta şirkətləri fond birjalarının əməliyyatlarında iştirak etmədiyi üçün dünya maliyyə böhranı onlara birbaşa təsir göstərmir. Lakin dolayı təsir mümkündür.
Xəlilovun sözlərinə görə, maliyyə böhranı ilk növbədə müflis ola biləcək xarici şirkətlərin böyük risklərinin təkrar sığortalanması xətti üzrə hiss edilə bilər.
Nəzəri baxımdan, banklarda olan sığorta şirkətləri də pullarını itirə bilər. "Lakin hazırda dövlətin böhranlı vəziyyətdə maliyyə bazarı iştirakçılarını dəstəkləmək üçün kifayət qədər maliyyə ehtiyatları var. Öz növbəsində mənfəətin Nizamnamə kapitalının artırılmasına yönəldilən hissəsinin vergidən azad edilməsini nəzərdə tutan Qanunun qəbulu ölkənin maliyyə sektorunun dünya maliyyə böhranının mənfi təsirinə müqavimətinin artırılmasına yönəldilib", - Xəlilov bildirib.
Ötən həftə iqtisadi siyasət üzrə parlament komissiyası 2009-cu il yanvarın 1-dən Azərbaycanın bank, sığorta və təkrarsığorta şirkətlərinin kapitallaşdırmanın artırılmasına yönələn mənfəətlərinin vergidən azad edilməsi haqqında təklifi müzakirə edib. Qanun layihəsinin qəbulunun əsas məqsədi maliyyə sahəsinin inkişaf templərinin sürətlənməsi, bank və sığorta sektorunda xidmətlərin keyfiyyətinin artırılması, şirkətlərin kapitallaşmasının artırılmasının stimullaşdırılmasıdır.
Ölkədə mənfəət vergisi 22 faiz təşkil edir. Azərbaycanda 45 bank, 28 sığorta və 1 təkrarsığorta şirkəti var. Azərbaycan Maliyyə Nazirliyinin məlumatlarına əsasən, yanvar-sentyabrda şirkətlər 148,7 mln. manat sığorta haqqı toplayıb, 40,4 mln. manat ödəniş həyata keçiriblər.
Müəlliflə əlaqə saxlamaq üçün elektron ünvan: [email protected]
