Azərbaycan, Bakı, 18 noyabr / Trend , müxbir S. Kazımlı / Bakının Xətai rayon ərazisində "Azəriqaz" şirkətinə məxsus qaçırılan avtomobil Xızı rayonunda tapılıb. Bu barədə Daxili İşlər Nazirliyinin mətbuat xidmətindən çərşənbə günü Trend -a məlumat verilib.
Məlumata görə, noyabrın 17-də saat 10.00 radələrində Xətai rayonundakı Əbilov küçəsindən "Azəriqaz" şirkətinə məxsus "VAZ-2106" markalı avtomaşın qaçırılıb. Xətai rayon Polis İdarəsinin 36-cı polis bölməsinin əməkdaşlarının keçirdikləri əməliyyat-axtarış tədbirləri nəticəsində Xızı rayonu ərazisində rayon Polis Şöbəsinin əməkdaşları tərəfindən hadisəni törədənlərdən biri, Abşeron rayon sakini Gülağa Quliyev tutulub, Tural adlı şəxs isə müəyyən edilib. Avtomaşın saxlanılmış şəxslə birgə sonrakı araşdırmalar aparılması üçün Xətai RPİ-nə təhvil verilib.
Məqalə müəllifi ilə əlaqə ünvanı:[email protected]