Azərbaycan, Bakı, 16 yanvar/ Trend , müxbir N.Abdullayeva/ Azərbaycan və Belarusun parlamentləri daha sıx əlaqələr quracaqlar, - Belarusun Bakıdakı səfiri Nikolay Paskeviç cümə günü Trend -a bildirib.
2008 - cii lin sentyabrında Belarus parlamentinə seçkilər keçirilib. Seçkilərin yekunlarına görə, Azərbaycan və Belarusun parlamentlərarası əlaqələr üzrə yeni əməkdaşlıq işçi qrupu formalaşdırılıb. Bu qrupa səkkiz deputat daxil olub.
Cari ilin birinci yarımilində Milli Məclis deputatlarının Belarusa səfəri baş tutacaq. İş planı və Azərbaycan parlamentarilərinin səfər tarixi işlənilir. Səfərin məqsədi deputatlar arasında şəxsi əlaqələrin qurulması, gələcək əməkdaşlıq formalarının müzakirəsidir, - Paskeviç əlavə edib.
Müəlliflə əlaqə saxlamaq üçün elektron ünvan: [email protected]