Azərbaycan, Bakı, 7 aprel /Trend, müxbir Ü.Sadıxova/
Baş nazir Benyamin Netanyahu və Prezident Barak Obamanın Vaşinqtonda keçirilməli olan görüşünün baş tutmayacağına səbəb ABŞ-ın fələstinlilərlə birbaşa olmayan danışıqlar məsələsi ilə bağlı İsraildən tələbi deyil.
"Vaşinqtona gələcək liderlərin əksəriyyəti Prezident Obama ilə işğüzar görüş keçirə bilməyəcəklər", - Trend-ə İsrail hökumətinin rəsmi nümayəndəsi Mark Reqev deyib. - "Biz Prezident Obama ilə iki həftə əvvəl görüşmüşük".
Lakin Reqev Fələstin Administrasiyası ilə birbaşa olmayan danışıqların başlanması məsələsində ABŞ-ın İsrailə təzyiqləri ilə əlaqədar görüşün baş tutmayacağının mümkünlüyünü istisna edir.
İsrailin Baş naziri Netanyahu bazar ertəsi Vaşinqtonda 47 dövlətin liderinin iştirakı ilə başlayacaq nüvə təhlükəsizliyi sammitində iştirak edəcək.
İsrailin diplomatik mənbələri fələstinlilərlə birbaşa olmayan danışıqların başlanması barədə ABŞ-ın tələbinə cavab verməsi məqsədi ilə Obama administrasiyasının İsrail hökumətinə təzyiqləri barədə məlumat verib. Bu barədə "əl-Qüds əl-Ərəbi" qəzeti məlumat yayıb.
"Əgər İsrail cavab verməsə, Vaşinqton Qərb Sahilində və Ramallahda, gələcək dövlətin paytaxtı hesab olunan Şəqri Qüdsdə İsrail hökumətinin yəhudi qəsəbələrinin inşasının dayandırılmasından imtina etməsindən sonra dalana dirənən sülh prosesinin bərpasında birtərəfli addımlar atacaq", - qəzet yazır.
Vaşinqton dördaylıq birbaşa olmayan danışıqlar təklif edib, lakin fələstinlilər İsrailin məskunlaşma fəaliyyətini dayandırmasından sonra buna razı olacaqlarını bildiriblər.
