Azərbaycan, Bakı, 4 iyun /Trend, müxbir M.Əliyev/
ATƏT-in Bakı ofisinin rəhbəri Bilge Cankorel cümə günü Bakı şəhər İcra Hakimiyyətinin başçısı Hacıbala Abutalıbovla qarşıdan gələn parlament seçkilərinə hazırlıq məsələləri və bununla əlaqədar BŞİH-in üzərinə düşən işlərə dair fikir mübadiləsi aparıb. Bu barədə Trend-ə ATƏT-in Bakı ofisindən bildiriblər.
Azərbaycanda parlament seçkilərinin noyabrın əvvəllərində keçirilməsi planlaşdırılır. Azərbaycan Mərkəzi Seçki Komissiyasına təqdim olunmuş siyahıya əsasən, ölkədə daimi yaşayan seçicilərin sayı 4 829 min təşkil edir.
Görüş zamanı Cankorel bu məsələlərlə bağlı ATƏT-in Bakı ofisinin Bakı şəhər İcra Hakimiyyəti ilə hər zaman əməkdaşlıq etməyə hazır olduğunu bildirib.