Azərbaycan Prezidenti İlham Əliyev Monteneqronun milli bayramı münasibətilə Prezident Filip Vuyanoviçə təbrik məktubu göndərib. Məlumatı bazar ertəsi AzərTAc Dövlət İnformasiya Agentliyi yayıb.
"Monteneqro Respublikasının milli bayramı - Dövlətçilik günü münasibətilə Sizə və bütün xalqınıza ən səmimi təbriklərimizi yetirirəm. Əminəm ki, Azərbaycan ilə Monteneqro arasında təşəkkül tapmış münasibətlər dostluq və əməkdaşlıq məcrasında öz inkişafını davam etdirəcəkdir", - məktubda deyilir.
İlham Əliyev Filip Vuyanoviçə möhkəm cansağlığı, işlərində uğurlar, Monteneqro xalqına əmin-amanlıq və firavanlıq diləyib.