RED. əlav.: səfərin tarixi dəqiqləşdirilib
Azərbaycan, Bakı, 19 iyul /Trend, müxbir S.Ağayeva/
Azərbaycanın xarici işlər naziri Elmar Məmmədyarov avqustun ilk ongünlüyündə türkiyəli həmkarı Əhməd Davudoğlunun dəvəti ilə Türkiyəyə işgüzar səfər edəcək. Bu barədə Trend-ə Azərbaycan XİN-in mətbuat katibi Elxan Poluxov bildirib.
Görüşün avqustun 6-8-də Bodrumda baş tutacağı planlaşdırılır. Məmmədyarovun səfəri zamanı türkiyəli həmkarı Davudoğlu ilə görüş keçirəcəyi və bəzi ikitərəfli, eləcə də regional və beynəlxalq məsələləri müzakirə edəcəyi gözlənilir.