Azərbaycan, Bakı, 25 avqust /Trend, müxbir M.Əliyev/
Ermənistan təcavüzkar kimi pislənməyincə, Azərbaycan nə NATO-ya, nə də KTMT-yə daxil olmaq fikrindədir. Bunu Azərbaycan Prezidenti Administrasiyasının İctimai-siyasi məsələlər şöbəsinin müdiri Əli Həsənov çərşənbə günü jurnalistlərə bildirib.
Onun sözlərinə görə, Azərbaycan KTMT-yə qoşulmamaqla Ermənistan kimi işğalçı bir dövlətlə bir arada olmaqdan imtina edib. "Nə qədər ki Ermənistan işğalçı siyasətdən imtina etməyib və KTMT-də bu işğalçı siyasət ifşa olunmayıb, Azərbaycan bu təşkilatda iştirak etməyin mənasını görmür".
Şöbə müdirinin sözlərinə görə,"Azərbaycanın maraqlarına cavab verməyincə, biz nə KTMT-yə, nə NATO-ya qoşulmaq fikrində deyilik".
Kollektiv Təhlükəsizlik Müqaviləsi Təşkilatı (KTMT) 1992-ci ildə bəzi MDB dövlətləri tərəfindən Kollektiv Təhlükəsizlik Müqaviləsi əsasında yaradılan hərbi-siyasi ittifaqdır. Təşkilata Rusiya, Belarus, Ermənistan, Qazaxıstan, Özbəkistan, Tacikistan və Qırğızıstan daxildir.