Azərbaycan Parlamenti 15-dək dövlətlərarası sənədi ratifikasiya edib

Azərbaycan, Bakı, 30 sentyabr /Trend, müxbir M.Əliyev/

Azərbaycan Milli Məclisinin payız sessiyasının bu gün keçirilən ilk iclasında 15-dək dövlətlərarası sənəd ratifikasiya olunub.

Trend-in məlumatına görə, parlamentin cümə günü keçirilən iclasında həmin sənədlər müzakirə olunaraq təsdiq edilib.

Ukrayna, Belarus, Yunanıstan, Rumuniya, Birləşmiş Ərəb Əmirlikləri, İspaniya, Çexiya, Serbiya və digər dövlətlərlə imzalanmış bu sənədlər ayrı-ayrı sahələr dövlətlər arasındakı münasibətləri tənzimləyir.