Bakı. Elçin Mehdiyev - Trend:
Bu gün Bütöv Azərbaycan Xalq Cəbhəsi Partiyasının qərargahında Avropa Parlamentinin Mühafizəkarlar və İslahatçılar Alyansının rəhbərliyi ilə mətbuat konfransı keçirilib.
Trend xəbər verir ki, tədbirdə çıxış edən Alyansın prezidenti Yan Zahradin bildirib ki, BAXCP bizim dostumuzdur: "Eyni zamanda, bütün Azərbaycanı özümüzə dost bilirik. Azərbaycan bizim üçün, həmçinin region üçün vacib ölkələrdəndir. Əksəriyyəti müsəlman əhalisi olan Azərbaycan tolerant ölkə olaraq digər ölkələrə nümunədir".
