Bakı. Trend:
Aprelin 5-də Aİ, ABŞ və Ermənistan arasında təhlükəsizliklə bağlı görüşün keçirilməsi planlaşdırılır. Təbii ki, bu birtərəfli görüş regiona yaxşı heç nə vəd etmir. Bu format Azərbaycana qarşı yönəlib və Azərbaycanı, Cənubi Qafqazda kövrək sabitliyi hədəf götürüb. Avropa İttifaqı və ABŞ tərəfindən bu kimi fəaliyyətlər açıq şəkildə birtərəfli və qərəzli xarakter daşıyır və ikili standart yanaşmasına əsaslanır.
Məsələ ilə bağlı Trend-ə açıqlama verən Milli Məclisin deputatı Ceyhun Məmmədov bildirib ki, 30 il ərzində Azərbaycanla Ermənistan arasında münaqişənin həlli üçün heç bir real addım atmayan bu dövlətlər Azərbaycan öz ərazi bütövlüyünü təmin edəndən sonra regionda proseslərə müdaxilə etməyə başlayıblar.
“Görünür ABŞ, Aİ Ermənistanın iştirakı ilə regionda proseslərdən tamamilə fərqli formada istifadə edərək bölgəmizdəki proseslərə müdaxilə etməyi qarşılarına bir məqsəd kimi qoyublar”, - deyə deputat əlavə edib.
Geniş videomüsahibəni təqdim edirik: