Bakı. Trend:
Bakıda “BƏƏ-nin tolerantlığı: dərin köklərə malik irs və dayanıqlı konsepsiya” adlı tədbir keçirilir.
Bu barədə Trend-in tədbirdə iştirak edən müxbiri məlumat verib.
Tədbir Azərbaycan Dillər Universiteti ilə əməkdaşlıq çərçivəsində Birləşmiş Ərəb Əmirliklərinin Azərbaycandakı səfirliyi tərəfindən təşkil olunub və universitetdəki Şeyx Zayed Mərkəzində keçirilir.
Tədbirdə diplomatik korpusun nümayəndələri, dövlət qurumlarının təmsilçiləri, elmi ictimaiyyət, tələbələr və media nümayəndələri iştirak edirlər. İştirakçılar BƏƏ-nin tolerantlıq, birgəyaşayış və dayanıqlı inkişafın təşviqi sahəsində yanaşmalarını müzakirə edəcəklər.
Tədbir çərçivəsində çıxışçıların BƏƏ-nin müxtəlif icmalar arasında tolerantlıq və qarşılıqlı hörmət mədəniyyətinin formalaşdırılması təcrübəsi, eləcə də bu dəyərlərin ölkənin uzunmüddətli inkişaf strategiyasına töhfəsi barədə məlumat verəcəkləri gözlənilir.
Proqramda həmçinin BƏƏ ilə Azərbaycan arasında təhsil, mədəniyyət, innovasiya və dayanıqlı inkişaf sahələrində əməkdaşlığın daha da gücləndirilməsi imkanlarına da baxılacaq.
Xəbər yenilənəcək
