Xanlar rayonunda yeni avtovağzalın tikintisi artıq başa çatmaq üzrədir. Sahibkar Azadi Xəlilov tərəfindən aparılan tikinti işlərində son tamamlanma işləri aparılır. Xəliovun verdiyi məlumata görə, hazırkı avtovağzal müasir tələblərə cavab vermir. Burada sərnişinlərin gözləmə otağı və digər xidməti otaqlar yoxdur.
Xəlilov bildirib ki, yeni avtovağzalda hər cür şərait olacaq. Və sərnişinlərin rahatlığı üçün bütün xidmətlər göstəriləcək. Qeyd edək ki, yeni avtovağzal hazırkından təxminən 500 metr aralıda yerləşir. Bu avtovağzaldan Bakı, Gəncə və rayonun kəndlərinə marşurutlar işləyəcək.