Azərbaycan Respublikası DİN Baş Cinayətkarlıqla Mübarizə İdarəsinin əməkdaşları cinayətkar aləmdə "qanuni oğru" kimi tanınan Yunus Nəzərovu və Mübariz Hacızadəni həbs ediblər. Bu barədə Trend ə Daxili İşlər Nazirliyindən məlumat verilib.
Belə ki, əməliyyatçılar əvvəllər dəfələrlə məhkum edilmiş bu şəxslərdən narkotik vasitələr götürüblər. Y.Nəzərovdan 10,124 qram, M.Hacızadədən isə 5 qram heroin götürülüb. Həmin şəxslərlə yanaşı Gəncə şəhər sakini Şamil Mehdiyev də saxlanılıb. Sonuncu şəxsdən 10,045 qram tiryək aşkar edilib.
Faktlarla əlaqədar cinayət işi başlanıb.