Yanvar-noyabr aylarında Naxçıvan MR-də 630 adda ərzaq məhsulunun keyfiyyət göstəriciləri yoxlanılıb. Trend in Naxçıvan Bürosu xəbər verir ki, qeyd olunan müddət ərzində ərzaq məhsulları üzrə ekspertizalar 78 mal qrupunu əhatə edib.
Naxçıvan MR İqtisadi İnkişaf Nazirliyinin İstehlak Mallarının Ekspertizası Mərkəzi tərəfindən müxtəlif çeşidli ərzaq mallarının laboratoriya analizləri aparılrkən 520 məhsulun keyfiyyəti normativ-texniki sənədlərin tələblərinə cavab vermiş, 110 nümunə isə aşağı keyfiyyətdə olmuşdur. Cari ilin 11 ayı ərzində daxili bazarı keyfiyyətsiz məhsullardan qorumaq məqsədilə həmçinin 101 adda müxtəlif tikinti mallarının, parça və mebellərin də ekspertiza yoxlamaları aparılıb.
Bütün hallarda müvafiq normativ-texniki sənədlərin tələblərinə cavab verməyən məhsullara görə adıçəkilən nazirlik tərəfindən zəruri tədbirlər həyata keçirilib.