Azərbaycan və Pakistan arasında iqtisadi əməkdaşlığa dair hökumətlərarası komissiyanın beşinci iclası 2009-cu ildə Bakıda keçiriləcək. Azərbaycanın Pakistandakı səfirliyndən Trend ə daxil olan məlumatda deyilir ki, komissiyanın fevralın 6-7-də İslamabadda keçirilən dördüncü iclasında bu razılığa gəlinib.
Məlumatda deyilir ki, Azərbaycan və Pakistan hökumətləri iqtisadi sahədə əməkdaşlığın perspektivli sahələrini qeyd ediblər. Tərəflər iki ölkənin ticarət-iqtisadi əlaqələrinin inkişafı nöqteyi-nəzərindən hökumətlərarası komissiyanın fəaliyyətinin effektliyini qeyd edib. Tərəflər pambıq, konsrevləşdirilmiş şirələr, idman malları, əlvan metallurgiya məhsulları və s. ixracı və idxalı üçün böyük imkanlar olduğunu vurğulayıblar.
Görüşün nəticələrinə əsasən iclasın protokolu imzalanıb.
Məlumatda deyilir ki, iclas çərçivəsində komissiyanın həmsədri, Azərbaycan hökuməti baş nazirinin birinci müavini Yaqub Eyyubovun və nümayəndə heyəti üzvlərinin Pakistan hökuməti rəsmiləri ilə ikitərəfli görüşləri də olub.
