Azərbaycan, Bakı / Trend müxbir S.İlhamqızı/ "Bakı və Kəndlər Birliyi" Bakı kəndlərinin müxtəlif problemlərinə dair təkliflər sənədi hazırlayaraq dövlət başçısına təqdim edəcək. Bu barədə "Bakı və Kəndlər Birliyi"nin hüquq şöbəsinin rəhbəri, Vəhdət Partiyasının sədri Tahir Kərimli məlumat verib.
Onun sözlərinə görə, Birliyin Bakının bütün kəndlərində fəaliyyət göstərən təşkilatları öz kəndlərinin sosial-iqtisadi, ekoloji problemlərinə dair təkliflərini verəcəklər. Sonda bütün təkliflər ümumiləşdirilərək sənəd hazırlanacaq. Sənəd Azərbaycan prezidenti İlham Əliyevə, Ekologiya və Təbii Sərvətlər Nazirliyinə ünvanlanacaq.
Həmçinin "Bakı və Kəndlər Birliyi"nin sədri Cəbrayıl Əlizadə və Kərimli dövlət başçısı ilə görüşmək üçün müraciət ediblər.
"Bakı və Kəndlər Birliyi" ictimai təşkilatdır və Vəhdət Partiyasının qərargahında fəaliyyət göstərir.