Azərbaycan, Bakı, 22 may / Trend , müxbir E.Babayev/ Azərbaycan mətbuatı aprel ayında "Azərbaycan Jurnalistlərinin Peşə Davranışı Qaydaları"nı (AJPDQ) 329 dəfə pozublar. Bu, mövcud göstərici üzrə ilin əvvəlindən bəri qeydə alınan ən böyük rəqəmdir. Bu barədə cümə axşamı Trend -a Mətbuat Şurasından məlumat verilib.
İlin əvvəlindən KİV-lər yanvarda 287, fevralda 312, martda 146 dəfə AJPDQ-ni pozublar.
Mətbuat Şurası ilin əvvəlindən mətbuatda ümumi tendensiyaları müəyyənləşdirmək məqsədilə aylıq monitorinqlər keçirir. Monitorinq ümumi səciyyə daşıdığından, orada konkret hansı KİV-in necə məlumat dərc etdiyi, məlumatları hansı mənbələrdən aldığı, neçə dəfə "Azərbaycan Jurnalistlərinin Peşə Davranışı Qaydaları"nı pozduğu göstərilir.
Monitrinq zamanı məlum olub ki, ötən ay monitorinqi aparılan qəzetlərdə ümumilikdə 49508 material dərc edilib. Bu, martla müqayisədə 16 525 material çoxdur.
Məqalə müəllifi ilə əlaqə ünvanı: [email protected]