Azərbaycan, Bakı, 20 iyul /Trend, müxbir İ.İsabalayeva/
Tələbə Qəbulu üzrə Dövlət Komissiyası 2012/2013-cü tədris ilində Azərbaycanın ali təhsil müəssisələrinin IV ixtisas qrupu və orta hərbi tibb məktəbinə sənəd verən abituriyentlər üçün "Abituriyentin imtahana buraxılış vərəqəsi"nin verilməsinə başlayıb.
Komissiyadan cümə günü Trend-ə verilən məlumata görə, bunun üçün abituriyentlər TQDK-nın rəsmi saytına daxil olaraq vərəqəni çap etməlidirlər.
Buraxılış vərəqəsi imtahanda iştirak üçün tələb olunan sənədlərdən biridir. "İmtahana buraxılış vərəqəsi"i və şəxsiyyət vəsiqəsi olmadıqda abituriyentin imtahanda iştirakı mümkünsüz olur.