Azərbaycan, Bakı, 22 avqust /Trend, müxbir İ.İsabalayeva/
Kür çayının Ağstafadan keçən hissəsində- Qıraqkəsəmən məntəqəsində suyun səviyyəsi ötən gün 11 sm artıb.
Ekologiya və Təbii Sərvətlər Nazirliyinin mətbuat xidmətindən Trend-ə verilən məlumata görə, hazırda məntəqədə su sərfi saniyədə 100 kub metrdir. Bu isə ongünlük normanın 82 faizidir. 2011-ci ildə isə bu rəqəm bir qədər çox olmaqla saniyədə 107 kub metr olub.
Avqustun 22-də Kür çayının aşağı axınında suyun səviyyəsində azalma müşahidə olunub. Belə ki, Kür çayının Surra məntəqəsində suyun səviyyəsində 6, Şirvanda 7, Bankədə 25, Araz çayının Novruzlu məntəqəsində isə 2 sm azalıb. Salyanda suyun səviyyəsində dəyişiklik baş verməyib.
Hazırda Surra məntəqəsində suyun səviyyəsi 338 sm (2011-ci il avqustun 22-də 429 sm), Şirvanda 205 sm (2011-ci il avqustun 22-də 302 sm ), Salyanda 163 sm (2011-ci il avqustun 22-də 299 sm), Bankədə 223 sm (2011-ci il avqustun 22-də 239 sm), Araz çayının Novruzlu məntəqəsində isə 110 sm (2011-ci il avqustun 22-də 158 sm) təşkil edir.
Yağan yağışlarla əlaqədar avqustun 22-də Qanıx çayının Əyriçay məntəqəsində suyun səviyyəsində 59 sm artım müşahidə olunub.