Azərbaycan, Bakı, 14 noyabr /Trend, müxbir İ.İsabalayeva/
Sabah günün ikinci yarısından başlayaraq və noyabrın 16-da Azərbaycan ərazisində qeyri-sabit hava şəraiti üstünlük təşkil edəcək.
Ekologiya və Təbii Sərvətlər Nazirliyinin Milli Hidrometeorologiya Departamentinidən Trend-ə bildirilib ki, noyabrın 15-də Bakı və Abşeron yarımadasında havanın buludlu olacağı gözlənilir, axşama doğru bəzi yerlərdə yağış yağacaq. Gündüz saatlarından başlayaraq axşama doğru şimal-qərb küləyi güclənəcək.
Bakı və Abşeron yarımadasında havanın temperaturu gecə 9-12, günün birinci yarısında 18 dərəcə, axşama doğru 10-12 dərəcə isti olacaq.
Azərbaycanın rayonlarında noyabrın 15-də hava əsasən yağmursuz keçəcək, gecə və səhər bəzi yerlərdə duman, çiskin olacaq, lakin axşama doğru bəzi yerlərdə yağış yağacaq. Qərb küləyi gündüz güclənəcək
Aran rayonlarında noyabrın 15-də havanın temperaturu gecə 6-11, gündüz 15-20, dağlarda gecə 1-6, gündüz 8-13 dərəcə isti olacaq.