...

Azərbaycanda "halal" adı kolbasa istehsal edən şirkət barəsində iş qaldırılıb

Cəmiyyət Materials 6 Fevral 2014 16:25
Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən “Ay-Min” MMC-yə məxsus Abşeron rayonu, Xırdalan şəhəri, 25-ci məhəllə, ev 26A ünvanında yerləşən istehsalat sahəsində aparılan yoxlama zamanı müəssisə tərəfindən bilərəkdən yalan reklamlar yayımlanmaqla və məhsulların markalanmasında düzgün olmayan məlumatlar verilməklə istehlakçıların çaşdırılmasına yol verildiyi müəyyən edilib.
Azərbaycanda "halal" adı kolbasa istehsal edən şirkət barəsində iş qaldırılıb

Trend-i buradan izləyin

Azərbaycan, Bakı, 6 fevral /Trend/

Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən "Ay-Min" MMC-yə məxsus Abşeron rayonu, Xırdalan şəhəri, 25-ci məhəllə, ev 26A ünvanında yerləşən istehsalat sahəsində aparılan yoxlama zamanı müəssisə tərəfindən bilərəkdən yalan reklamlar yayımlanmaqla və məhsulların markalanmasında düzgün olmayan məlumatlar verilməklə istehlakçıların çaşdırılmasına yol verildiyi müəyyən edilib.

İqtisadiyyat və Sənaye Nazirliyinin mətbuat xidmətindən Trend-ə verilən məlumata görə, müəssisə tərəfindən istehsal olunan "Flaqman" əmtəə nişanlı ət məhsullarının avtonəqliyyat vasitələrində yayımlanan reklamlarında və həmin əmtəə nişanlı "Krakovskaya", "Prima", "Gülüstan", "Pəhriz", "Həvəskar" kolbasalarının və "Südlü", "Kürə" sosiskalarının etiketində məhsulların halal olması ilə bağlı ifadələrin verildiyi halda, müəssisədə halal ət məhsullarının istehsalı üçün müvafiq şəraitin olmadığı və həmin məhsulların tərkibində donuz əti və piyi olan məhsullarla eyni istehsalat sahəsində istehsal olunduğu, eyni anbarda saxlanıldığı və eyni nəqliyyat vasitələri ilə daşındığı aşkar olunub.

Bundan başqa, "Krakovskaya", "Prima", "Gülüstan", "Abşeron", "Azəri" "Həvəskar" kolbasalarının resepturasında məhsulun tərkibində donuz əti və piyi nəzərdə tutulduğu halda, məhsulun etiketində bu məlumatların əvəzinə resepturada nəzərdə tutulmayan mal piyinin göstərildiyi, habelə "Südlü", "Azəri", "Bakı" və "Kürə" sosiskalarının resepturasında məhsulun tərkibində donuz əti nəzərdə tutulduğu halda, məhsulun etiketində bu məlumatların gizlədildiyi müəyyən edilib.

Eyni zamanda, istehsal olunan kolbasa və sosiskaların istehsalında camış ətindən istifadə edildiyi halda, məhsulların mal ətindən istehsal edildiyi barədə yalnış məlumatların verildiyi aşkarlanıb.

Qeyd olunanlarla əlaqədar Dövlət Xidməti tərəfindən "Ay-Min" MMC barəsində antiinhisar qanunvericiliyinin tələblərinin pozulması əlamətləri üzrə iş qaldırılıb.

Məqalədə:
Xəbər lenti

Xəbər lenti