Azərbaycan, Bakı, 14 may /Trend, müxbir E.Mehdiyev/
Azərbaycanın ənənəvi mədəni irs nümunələrinin ermənilər tərəfindən mənimsənilməsi çox mürəkkəb problemdir. Trend-in məlumatına görə, bu barədə Bakıda səfərdə olan Ümumdünya Əqli Mülkiyyət Təşkilatının baş direktoru Frensis Qarri jurnalistlərə açıqlamasında bildirib.
F.Qarri qeyd edib ki, Ümumdünya Əqli Mülkiyyət Təşkilatı folklor və ənənəvi mədəni irs nümunələrinin qorunmasına çalışır.
Onun sözlərinə görə, qloballaşan dünyada ənənəvi mədəni irs nümunələri mənimsənilməyə daha həssas olur: "Hər bir ölkənin spesifik mədəniyyətini nəzərə alaraq, biz bunun qorunması yollarını axtarırıq".