Azərbaycan, Bakı, 30 aprel /Trend, müxbir İlkin İzzət/
Bakının Heydər Əliyev prospektinin köməkçi yolu hərəkətə bağlı olacaq.
Trend "Azəryolservis" ASC-dən Nəqliyyatı İntellektual İdarəetmə Mərkəzinə verilən məlumata istinadən xəbər verir ki, aprelin 30-dan mayın 1-nə keçən gecə Bakının Heydər Əliyev prospekti köməkçi yolun Heydər Əliyev Mərkəzinin qarşısından Böyükşor yol qovşağına (metronun "Koroğlu" stansiyası) qədər olan hissəsində təmir işləri ilə əlaqədar nəqliyyat vasitələrinin hərəkəti tam məhdudlaşdırılacaq.
Sürücülərə alternativ olaraq Heydər Əliyev prospekti Əsas yoldan və Babək prospektindən istifadə etmələri tövsiyə olunur.