Azərbaycan, Bakı, 29 oktyabr /Trend/
Oktyabrın 25-də Türkiyənin Trabzon şəhərində Qara dəniz Offroad Platforması İsmət Dönməz adına Məhəllə Kubokunun 3-cü mərhələsi keçirilib.
Trend-in məlumatına görə, Azərbaycan Avtomobil Federasiyasının dəstəyi ilə ölkəmizi bu yarışda təmsil edən Rüfət Nəsibov və Əhməd Həsənov S2 kateqoriyasında 2-ci yer, Namazi Orucov və Zaur Mikayılov isə S4 kateqoriyasında 3-cü yer tutublar.
Qeyd edək ki, İsmət Dönməz adına Məhəllə Kuboku yarışları 3 mərhələdə keçirilib. Final mərhələsində 44 iştirakçı 22 "offroad" avtomobili ilə iştirak edib.