Bakı. İlhamə İsabalayeva - Trend:
Yüngül COVİD-19 xəstələrinin müalicəsi üçün lazım olan dərmanlar apteklərdə kifayət qədərdir.
Trend-in məlumatına görə, bunu Səhiyyə Nazirliyinin Aparat rəhbəri Nadir Zeynalov deyib.
Onun sözlərinə görə, ölkədə həkim və tibb işçisi qıtlığı yoxdur: “Pandemiya gözlənilməz haldır. Heç bir ölkənin səhiyyə sistemi bu cür pandemiyaya hazır deyil. Ona görə də lazım olan avadanlıqları kənardan gətirmək mümkündür. Amma həkimləri xaricdən gətirmək mümkün deyil. Ona görə də bütün ölkələr məcburdur ki, öz kadrlarını təkmilləşdirsinlər. Sirr deyil ki, müalicəyə cəlb edilən bütün həkimlər infeksionist deyil. Müxtəlif ixtisaslı həkimlər COVİD-19-la vuruşur”.
N.Zeynalov bildirib ki, təcili tibbi yardım üçün həkim qəbulu elan edilib. Bu hazırkı işləri optimallaşdırmağa imkan verir.