...

PAŞA Həyat-ın dəstəyilə növbəti “Yay Futbol Düşərgəsi” layihəsi start götürüb (FOTO)

Cəmiyyət Materials 1 İyul 2022 15:48 (UTC +04:00)
PAŞA Həyat-ın dəstəyilə növbəti “Yay Futbol Düşərgəsi” layihəsi start götürüb (FOTO)

Bakı. Trend:

PAŞA Həyat və Kapital Bankın sponsorluğu, Abşeron-Xızı Regional Təhsil İdarəsinin dəstəyi, "Sumqayıt Futbol Klubu"nun təşkilatçılığı ilə Sumqayıt məktəbliləri üçün keçirilən "Yay Futbol Düşərgəsi" layihəsinin birinci mərhələsi baş tutub.

28 iyun 2022-ci il tarixində start götürən layihə 9 gün müddətində 3 qrup üzrə keçiriləcək. İlk qrupun son günündə bütün iştirakçılar mükafatlandırılıb. "Kapital Bank Arena"nın konfrans zalında baş tutan mərasimdə "Sumqayıt" FK-nın prezidenti Riad Rəfiyev, vitse-prezident Aydın Xəlilov, Müşahidə Şurasının üzvləri - sədr Abdulla Məmmədov, Telman Salahov, Abşeron-Xızı Regional Təhsil İdarəsinin əməkdaşı Cəmilə Fəyyaz, PAŞA Həyat və Kapital Bankın nümayəndələri iştirak edib.

Layihənin birinci mərhələsinin yekunu ilə əlaqədar olaraq, ilk qrupun iştirakçıları tərəfindən müxtəlif kompozisiyalar tədbir iştirakçılarına nümayiş etdirilib. Tədbir zamanı bütün iştirakçılara "Sumqayıt" FK-nın idman geyimləri, sponsorların ayırdığı xüsusi hədiyyələr və diplomlar təqdim edilib.

Qeyd edək ki, ümumilikdə, 48 məktəbdən 120-ə yaxın məktəblinin qatılacağı bu layihə 2014-cü ildən PAŞA Həyat və Kapital Bankın sponsorluğu ilə keçirilir və bu müddət ərzində 1000-dən çox məktəbli bu tədbirin iştirakçısı olub.

Lider sığorta şirkəti - “PAŞA Həyat Sığorta” ASC 2010-ci ilin noyabr ayından fəaliyyət göstərir. 31 dekabr 2020-cu il tarixinə şirkətin nizamnamə kapitalı 40,250 mln. AZN təşkil etmişdir. Şirkət müştərilərə müxtəlif həyat sığortası məhsulları, o cümlədən “İstehsalatda bədbəxt hadisələrin icbari sığortası”, “Yığım tərkibli yaşam sığortası” məhsullarını təklif edir. Məhsul və xidmətlər barədə daha ətraflı məlumat almaq üçün - PAŞA Həyat (PASHA Life) (pasha-life.az).

Məqalədə:
Xəbər lenti

Xəbər lenti