Bakı. Trend:
65 yaş həddinə çatan tibb işçiləri elə həmin gün əmək müqaviləsinə xitam verilir. Onların arasında təcrübəsinə biliyinə uzun illər istinad edilə biləcək çox sayda işçi var. Onlarla müqavilənin uzadılması məqsədəuyğundur.
Trend xəbər verir ki, bunu Milli Məclisin Əmək və sosial siyasət komitəsinin üzvü Jalə Əliyeva komitənin bu gün keçirilən iclasında çıxışı zamanı deyib.
Millət vəkili bəhs edilən məsələ ilə bağlı öz təkliflərini də səsləndirib:
“Bəzən bizə müraciətlər daxil olur ki, müddət sadəcə 3 ay uzadılır. Bu, tibb işçisinin öz peşəsinə bağlanmasını əngəlləyir. Bu müddətin bir dəfəyə 6 ay və ya 1 uzadılması daha faydalı olar”.