Bakı. Trend:
Fevralın 19-u saat 16:00-a olan hava haqqında məlumat açıqlanıb.
Trend Milli
Hidrometeorologiya Xidmətinə istinadən xəbər verir ki, fevralın
19-u saat 16:00-a olan məlumatına əsasən bəzi rayonlarda yağıntlı
və küləkli hava şəraiti müşahidə olunur.
Şahbuz, Gədəbəy, Sarıbaşda (Qax) yağış, Qrız (Quba), Xınalıq,
Daşkəsən və Şahdağda isə qar yağır.
Bir sıra ərazilərdə şimal-qərb küləyi əsir, küləyin maksimal sürəti
Naftalanda 28, Goranboyda 27, Tərtərdə 25, Lerikdə 23, Qəbələdə 22,
Gəncə, Tovuz, Qobustan, Göyçayda 20, Mingəçevir, Ağdam, Balakəndə
18, Sabirabad, Bakıda və Abşeron yarımadasında 17, Şamaxıda 16,
Şabran, Yevlaxda 15 m/s-dək güclənir.
Göyçay, İmişli, Sabirabadda duman müşahidə olunur, görünüş məsafəsi
500 metrədək məhdudlaşır.
