Bakı. Trend:
Bu gün futbol üzrə Azərbaycan Premyer Liqasında XXXI tura yekun vurulacaq.
Trend-in məlumatına görə, son oyun günündə 2 qarşılaşma keçiriləcək.
Günün ilk matçında "Turan Tovuz" öz meydanında "Karvan-Yevlax"ı sınağa çəkəcək. Tovuz şəhər stadionunda oynanılacaq görüş saat 17:00-da başlayacaq.
Digər matçda isə "Neftçi" "Palms Sports Arena"da "Şamaxı" ilə qarşılaşacaq. Oyunun start fiti saat 19:30-da səslənəcək.
Qeyd edək ki, turun əvvəlki oyunlarında "Kəpəz" "Sabah"ı 1:0, "Sumqayıt" "Araz-Naxçıvan"ı 2:1 hesabı ilə məğlub edib, "Qəbələ" "Qarabağ"la 1:1, "İmişli" isə "Zirə" ilə 0:0 hesablı heç-heçəyə razılaşıb.
