"Neftçi" kadr problemləri ilə üzləşib
"Neftçi" futbol üzrə ölkə çempionatının ikinci dairəsi ərəfəsində ciddi kadr problemləri ilə üzləşib.
Komandanın mətbuat katibi Səbuhi Səfiyarlının Trend ə verdiyi məlumata görə, yaxın görüşlərdə bakılılar Rəşad Sadıqov və Zaur Tağızadənin xidmətlərindən istifadə edə bilməyəcək. "Dizindən zədə almış R.Sadıqov topsuz məşqlərə təzəcə başlayıb. Onun yığmaya nə zaman qayıdacağı hələ məlum deyil. Zaur isə bu yaxınlarda həkim müayinəsindən keçməlidir. Yəqin ki, yaxın bir neçə ay ərzində hücumçu bizə kömək edə bilməyəcək", - deyə S. Səfiyarlı vurğulayıb".
Qeyd etmək lazımdır ki, "Neftçi" "Şahdağ" komandasına qarşı matç ərəfəsində bir neçə məşq oyunları keçirmək üçün Qubaya yola düşüb.
