Azərbaycanın Ekologiya və Təbii Sərvətlər Nazirliyi Həsən Əliyev adına mükafatın təsis olunacağını bildirib. Trend nazirliyə istinadən xəbər verir ki, mükafat aşağıdakı nominasiyalar üzrə verilir:
1.Elm, təhsil və təbiətə humanist münasibətlərin təbliğat formaları,
2.Meşələrin qorunması, bərpası və artırılması,
3.Biomüxtəlifliyin mühafizəsi və sabit inkişafı.
Layihələr 5 dekabr 2006-cı il tarixinə qədər qəbul olunacaq. Hər nominasiyaya görə mükafatın məbləği 500 AZN təşkil edir.
Mükafatlar akademikin ad günü ərəfəsində 15 dekabr 2006-cı ildə veriləcək. İştirak etmək istəyən şəxslər əlavə məlumat almaq üçün nazirliyin ekoloji təbliğat şöbəsinə müraciət edə bilərlər.