Azərbaycan, Bakı, 9 oktyabr /Trend/
FİFA-nın irqçiliklə mübarizə proqramına rəhbərlik edən vitse-prezidenti Ceffri Uebb Rusiyada irqi ayrı-seçkiliklə bağlı vəziyyət barədə öz fikirlərini bölüşüb. Trend-in məlumatına görə, bu barədə Qazeta.ru xəbər verir.
C.Uebb izah edib: "DÇ-2018 ərəfəsində Rusiyada irqçiliklə bağlı çox böyük problemlər var. Hər şey təhsildən başlamalıdır, hamıya izah edilməlidir ki, fərqlər, mədəniyyətlərin inteqrasiyası yaxşıdır. Heç nədən qorxmaq lazım deyil".