...

Azərbaycan güləşçisi Rio-da 1/4 finalda

İdman Materials 15 Avqust 2016 18:15 (UTC +04:00)
Azərbaycan güləşçisi Sabah Şəriəti (130 kq) Rio-de-Janeyroda təşkil olunan XXXI Yay Olimpiya Oyunlarında ilk görüşündə qələbə qzanıb.
Azərbaycan güləşçisi Rio-da 1/4 finalda

Bakı. Trend:

Azərbaycan güləşçisi Sabah Şəriəti (130 kq) Rio-de-Janeyroda təşkil olunan XXXI Yay Olimpiya Oyunlarında ilk görüşündə qələbə qzanıb.

Trend xəbər verir ki, ABŞ təmsilçisi Robert Timoti Devid Smitə qalib gələn güləşçimiz 1/4 finala yüksəlib.

Güləşçimizin 1/4 final mərhələsindəki rəqibi ilk Avropa Oyunlarının qalibi, dünya və Avropa çempionu, “London-2012”nin bürünc mükafatçısı türkiyəli Rza Kayaalp olacaq.

Qeyd edək ki, 5-21 avqust tarixlərində Braziliyanın Rio-de-Janeyro şəhərində XXXI Yay Olimpiya Oyunları keçirilir. Azərbaycan oyunlarda 56 idmançı ilə 17 idman növündə təmsil olunur.

Müstəqil Azərbaycan üçün Rio Olimpiadası sayca 7-ci Yay Olimpiya Oyunlarıdır. Azərbaycan Olimpiya hərəkatı tarixində ilk dəfə rekord sayda - 56 idmançı ilə təmsil olunur. Buna gədər Azərbaycanın rekord göstəricisi London Olimpiadasında qeydə alınmışdı - 53 idmançı. Bundan başqa, Azərbaycan Rio-de-Janeyro Olimpiadasında ilk dəfə 4 idman növü - kamandan oxatma, kanoe slalom, trek velosipedi və triatlon üzrə təmsil olunur.

Azərbaycanı Rio Olimpiadasında 7 hakim də təmsil edir - Aydın Ağaəliyev (gimnastika), Lyudmila Quliyeva (akademik avarçəkmə, kanoe slalom, kanoe sprint), Ramil Vəliyev (cüdo), Rauf Əliyev (sərbət güləş), Hicran Şərifov, Vüqar Vəliyev (hər ikisi yunan-Roma güləşi), Zaur Abdullayev (boks).

Məqalədə:
Xəbər lenti

Xəbər lenti