...

Bakıda idman gimnastikası üzrə dünya kubokunda 6 atletimiz təmsil olunacaq

İdman Materials 10 Mart 2020 14:32 (UTC +04:00)
Azərbaycan Gimnastika Federasiyasından Trend-ə verilən məlumata görə, turnirdə 42 ölkədən 158 gimnast birincilik uğrunda mübarizə aparacaq.
Bakıda idman gimnastikası üzrə dünya kubokunda 6 atletimiz təmsil olunacaq

Bakı. Trend:

Martın 12-15-də Milli Gimnastika Arenasında idman gimnastikası üzrə “Tokio 2020” Yay Olimpiya Oyunlarına lisenziya xarakterli dünya kuboku yarışları keçiriləcək.

Azərbaycan Gimnastika Federasiyasından Trend-ə verilən məlumata görə, turnirdə 42 ölkədən 158 gimnast birincilik uğrunda mübarizə aparacaq.

Yarışda ölkəmizi Murad Ağarzayev, Ağamurad Qəhrəmanov, İvan Tixonov, Cavidan Babayev, Marina Nekrasova və Samirə Qəhrəmanova təmsil edəcəklər.

Dördgünlük yarışın ilk iki günü təsnifat, sonrakı iki günü isə final mərhələləri baş tutacaq.

Turnirdə, həmçinin ən yüksək icra xalını toplamış gimnastlara ənənəvi “AGF Trophy” kuboku da təqdim olunacaq.

Məqalədə:
Xəbər lenti

Xəbər lenti