...

DÇ-2022: Xorvatiya millisi Braziliya komandasını məğlub edərək yarımfinala yüksəlib (VİDEO)

İdman Materials 9 Dekabr 2022 21:47 (UTC +04:00)
DÇ-2022: Xorvatiya millisi Braziliya komandasını məğlub edərək yarımfinala yüksəlib (VİDEO)

Bakı. Trend:

Bu gün Qətərdə keçirilən futbol üzrə Dünya Çempionatının 1/4 final mərhələsinin ilk oyunu keçirilib.

Trend xəbər verir ki, Braziliya və Xorvatiya millilərinin qarşılaşdığı oyunun əsas vaxtı 0:0 hesablı heç-heçə ilə bitib. Oyunda əlavə vaxt oynanılıb.

Əlavə vaxtın ilk hissəsinin sonunda Neymar fərqlənərək komandasını hesabda önə çıxarıb - 1:0. Lakin əlavə vaxtın ikinci hissəsinin sonlarında B.Petkoviç Braziliyanın qapısına yol taparaq hesabı bərabərləşdirib - 1:1.

Beləliklə, oyun penalti seriyasına uzanıb. Penalti seriyasında Xorvatiya millisi qələbə qazanaraq Dünya Çempionatının yarımfinal mərhələsinə yüksəlib.

Xorvatiya millisinin yarımfinaldakı rəqibi Niderland-Argentina cütünün qalibi olacaq.

Məqalədə:
Xəbər lenti

Xəbər lenti